zurück
zur Übersicht
     
 

Die Landlosenbewegung der Adiwasi aus Südindien kämpft schon lange um das Überleben, die Gerechtigkeit und die Würde ihres Volkes. Seit Jahren vertrieben, verfolgt und gedemütigt kämpfen die kastenlosen Ureinwohner gegen die Regierung, die Spekulanten und die Bodenschatzlobby für ihre Rechte.

www.landforlife.ch

In der Schweiz hat sich ein Freundeskreis gebildet, der die Landlosen unterstützt. Im September 08 unterstützten die Schweizer Freunde die Adiwasi auf ihrem grossen Marsch nach New Delhi durch einen Marsch von Bern nach Genf an den Sitz der Uno. Gemeinsam mit der Berner Gruppe Lunik habe ich einen Song geschrieben, der von unseren Herzen und unseren Gedanken eine Brücke zu dem geschundenen Volk der Adiwasi und ihren Freunden schlagen soll. Ekta parishad sindabad, der gemeinsame Rat wird siegen.

Es goht mi nüd aa MP3

Text: Linard Bardill, Musik: Lunik

He i hock do und sött es Lied schriebe
über die Landlose vo Indie
Unberüerbari ohni Recht,
wo zerscht us irne Wälder vertriebe worde sind
und denn us irne Hütte,
Sie händ sich afange sammle
Sind gsässe und händ sich berote
sind in d'Hauptstadt marschiert,
und händ gruefe
Ekta Parishad zindabad (der gmeinsame Rat wird siegen)
Hei i hocke do und wett es Lied schriebe
Über d'Solidarität und der Kampf
Und d'Grechtigkeit und d'Not
Und d'Wuet und Hoffnig und d'Gier
Und ds Recht und Korruption
Und es goht mi gar nüd aa
I könnt grad so guet es Lied über
Palästina schriebe oder Darfur
Oder den Iraq, wo mi au nüd aagoht

Ekta Parishad zindabad

Hey gschiider würd i es Lied schriibe
Über d'Atomkraftwerk und die
zynische Sieche, wo verkündend
es seig alles ok und mier arme Schwitzer
überläbend nid wemmer nid bald
no es paar neui bauend
Hey mier händ nüd ds verlüüre usserd
D'Bretter vor üserne weiche Grinde

Ekta Parishad zindabad
You must be the change
You wish to see in the word

Aber i han es Lied versproche
Über de gross Marsch vo de Landlose
Und über die wo mitmarschierend uf der ganze Welt
Damit d'Welt erfahrt dass üs alli alles agoht
Und dass üs allne die Erde zu Füesse ligt
Die Erde wo üsri Füess und üsrei Lieder treit

Links:
Landforlife
Ekta Parishad (Gandhian organisation)
Ekta Parishad - Kämpferin für die Ärmsten (Solidarischer Bund)